"ಮಾನಸ ಮಗು"

"ಮಗುವ ನಗುವ ಕಂಗಳು,
ನೋವಿನ ಮನಕೆ ಬೆಳದಿಂಗಳು,
ಅರಳಿದಾ ಜೀವಕೆ ಬೇಕಿತ್ತು ನಗು,
ನೀ ತಂದೆ ಪ್ರೀತಿಯ ನಗುವ ಮಗು.

ನಿಜ ನಗುವಲ್ಲಿ ಹೊಳೆದಿತ್ತು ಮನ,
ಈಗಂತೂ ಉತ್ಸಾಹದಿಂದ ನಗೋದೇ ಧ್ಯಾನ,
ಬಟ್ಟಲ ಕಂಗಳ ಶುದ್ಧ ಹೊಳಪು,
ಪ್ರೀತಿಯ ಹೃದಯಕೆ ಕಸ್ತೂರಿ ಒನಪು.

ತೂಗುಯ್ಯಾಲೆಯಲಿ ಹಾಡಿತ್ತು ಹೃದಯ,
ನೋವಿನ ಬಾಳಿಗೆ ನಗುವಿನ ವಿದಾಯ,
ಜೊತೆಯಿರೆ ನಿನ್ನ ಪ್ರೀತಿಯ ನಗು,
ನಾನಂತೂ ನಿನ್ನೊಳಗೆ ಮಾನಸ ಮಗು."

ಜೀವ ತುಮುಲ

"ಏಕೋ ಕಾಣೇ,, ಕಣ್ಣೀರು,
ಎದೆ ಮೇಲೂ ತಣ್ಣೀರು,
ಬದುಕಿಗೆಂದು ಪನ್ನೀರು?
ತಿಳಿಯದಾಗಿದೆ ಈ ಮನಕೆ.

ಬಂದಾಯಿತು ಕತ್ತಲೊಳಗೆ,
ಒಂದಾಯಿತು ಸುಖ ದುಃಖ,
ಬರಿದಾಯಿತು ಆಸೆ ಕನಸು,
ಕಾರುನಾಳು ಬಾ ಬೆಳಕೆ.

ಇರುವುದೊಂದೇ ಜೀವನ,
ಜೀವನದ ಜೀವವೂ ಒಂದೇ,
ಕಂಗಳು ಕೂಡ ಮಬ್ಬಲಿ ಬರಿದು,
ಜೀವದ ಜೀವ ನೀ ಒಬ್ಬಳೇ."

ಅಲೆ ಆಲೆ

"ಆಲಿಸಲು ಮನದ ಮಾತು,
ತೇಲಿಬಂತು ನೆಮ್ಮದಿಯ ಹಾಡು.
ಕೇಳಿಸಲು ಆಲಿಸಿದ ಹಾಡು,
ನಗುವಿನ ಅಲೆ ಎದೆಯ ಹೊಕ್ಕಿತು."

ಮನದ ಸ್ವಗತ

"ಮರೆತ ಮನದೊಳಗೆ ಕಗ್ಗತ್ತಲು,
ನೊಂದ ಹೆಗಲಿನಲಿ ಭಯಭೂತ,
ಕುರುಡು ದೃಷ್ಟಿಯೊಳಗೆ ಪಾಪಿಜೀವಿ,
ಜಗದೊಡಲ ಬೇಗೆಗೆ ನನ್ನ ಹೋಲಿಕೆ.

ಬೆಂದಂತ ಜೀವಸತ್ವ ಹಳಸಿದೆ,
ಕರಿದಂಥ ಸಿಹಿಯೂಟ ಒಣಗಿದೆ,
ಹಸಿವಿದ್ದರೂ ಉದರಕ್ಕೀಗ ಅರಿಯದು,
ಕಾಣದಿರೋ ಲೋಕವೀಗ ಹತ್ತಿರ."