"ಕರುನಾಡಿನ ಒಲವು"

"ಕರುನಾಡೇ,,,,,,,, ಅಗಾಧ ನಿನ್ನ ಪ್ರೀತಿಯ ಕಡಲು,
ಹೇಗೆ ಸಾಧ್ಯವೋ ಅದರ ಆಳ ತಿಳಿಯಲು
ಉಸಿರಿಗೇ ನೀ ಉಸಿರ ಕೊಟ್ಟೆ,
ಬಯಕೆಗೆ ನಿನ ಬದುಕನಿಟ್ಟೆ,
ಬೆಳಕಿಗೆ ನೀ ದೃಷ್ಠಿ ಕೊಟ್ಟೆ ನಾ ಉಸಿರಾಡಲು,
ಅಗಾಧ ಅಗಾಧ ಅಗಾಧ ನಿನ್ನ ಪ್ರೀತಿಯ ಒಡಲು.

ಕೋಪಕೆ ನೀ ನೀರು ಬಿಟ್ಟೆ,
ಹಸಿವಿಗೇ ನೀ ತುತ್ತನಿಟ್ಟೆ,
ಭಯಕೆ ನೀ ಸೆರಗು ಕೊಟ್ಟೆ ನಾ ಎದ್ದೇಳಲು
ಒಲವಿಗೇ ನೀ ಹಾಲು ಕೊಟ್ಟೆ,
ಬಲಕ್ಕೆ ನೀ ನಗುವ ಕೊಟ್ಟೆ,
ಬದುಕಿಗೆ ನೀ ದಾರಿಯಾದೆ ನಾ ಜೀವಿಸಲು.

ವಿಶೇಷ ವಿಶೇಷ ವಿಶೇಷ ನಿನ್ನ ಒಲುಮೆಯಾ ಕಡಲು."

ಕನ್ನಡವೇ ಸತ್ಯಾ!.
ಕರುನಾಡೇ ನಿತ್ಯಾ!!
ಜಯ ಭುವನೇಶ್ವರಿ!!

ರೀತಿ ನೀತಿ

"ನಿನ್ನದೆ ಧ್ಯಾನದಿ ಕಾದಿರುವೆ
ನಿನ್ನೊಳಗೆ ನೀನು ಹೇಗಿರುವೆ?
ಮನದ ಬಾಗಿಲನು ತರೆದಿರುವೆ
ಬಾರದೆ ನೀ ಏಕೆ ಸುಮ್ಮನಿರುವೆ?

ಅರಿತ ಮೇಲಾದರೂ ನನ್ನ ಪ್ರೀತಿಯ,
ಬರಬಾರದೆ ಮಾಡದೆ ಪಜೀತಿಯ?
ಹೇಳು ನೀ ನಿನ್ನ ಪ್ರೀತಿ ರೀತಿಯ
ನಿನಗಾಗಿ ಆವರಿಸಿಕೊಳ್ವೆ  ಪೃಕೃತಿಯ."

ನನ್ನವಳು

"ನನ್ನವಳ ಮುಗುಳುನಗೆ,
ಹಲವು ಹೂಗಳ ಬಗೆ,
ಅವಳ ಹುಸಿ ಮುನಿಸು,
ಕಂದಮ್ಮಗಳ ಅಳುಮೊಗವು.

ನನ್ನವಳು ಉಲಿಯಲು,
ಸಂಗೀತ ಸ್ವರವು ಮೌನ,
ಅವಳ ಕಣ್ಣಂಚಿನ ಹನಿಯು,
ನನ್ನ ಆಯಸ್ಸಿಗೆ ಕನ್ನ. "

ಮುಸ್ಸಂಜೆ ಮನ

"ಮುಸ್ಸಂಜೆಯ ಕೆಂಪು
ಬಾನಂಚಿನ ಚಿನ್ನದ ಗೆರೆ
ನಿನ್ನ ನಗುವೇನೇ
ನನ್ನೊಲವೇ?

ಮುಸುಕಿದ ಮೋಡದ
ಎದೆಯೊಳಗಿನ ಬಿಸಿ
ಉಸಿರ ಬೇಗೆ ನಿನ್ನದೇ
ಅನ್ನುತ್ತಿದೆ ಮನಸು."

ಮಳೆಯ ಲೀಲೆ

"ಮಳೆಯ ಹನಿಯೊಂದು
ಎದೆಯೊಳಗೆ ಬಂದು
ನನ್ನವಳ ಹೆಸರನ್ನು
ಹೇಳಿ ಹಾಡುತಿದೆ.

ಮುಂಗಾರಿನ ಮಿಂಚಂತೆ
ಭೂರಮೆಯ ಹಸಿರಂತೆ
ತಂಗಾಳಿಯ ತಂಪಂತೆ
ಬರುವಳೆಂದು ಹಾಡಿದೆ."