"ನಿಜ ದೇವತೆ"

"ಪಂಚಭೂತಗಳಲಿ ಲೀನವಾದ್ರೂ ನೀನು,
ಮನಸಿನ ಪ್ರತಿ ಮೂಲೆಗಳಲೂ ಇರುವೆ,
ಉಸಿರಿನಾ ಬಿಸಿಗೆ ನಿನದೇ ನೆನಪಿದೆ,
ಬದುಕಿನಾ ಬಂಡಿಗೆ ನಿನದೇ ಹೆಸರಿದೆ.

ತಾಯಿಯಲ್ಲ ನೀ ನಿಜ ದೇವತೆ,
ನಾನಿರೋದೀಗ ಕಲ್ಲಿನಾ ಸಂತೆ,
ನಾನಿರುವೆನೆಂಬುದೇ ನಾನೀಗ ಮರೆತೆ,
ಬಾಳಿನುದ್ದಕ್ಕೂ ನೀನಿಲ್ಲವೆಂಬುದೇ ಕೊರತೆ."

"ತಾಯಿಕೊಟ್ಟ ಬದುಕು"

"ತಾಯೊಡಲ ಬಯಸಿ ಬಾಯಾರಿ,
ಎದೆಗೂಡು ನೋವಿಂದ ತಂಬೂರಿ,
ನೆನಪಿನ ಬುತ್ತಿಯೊಂದೇ ಜೊತೇರಿ,
ಕಳೆದ ಬೆಳಕು ಮತ್ತೆ ಬರುತ್ತೇನ್ರೀ??

ನೆನ್ನೆಗಳ ಕಲರವಗಳೇ ಕಿವಿಗಿಂಪು,
ನಾಳೆಗಳ ಕನಸುಗಳಿಗೆ ಎದೆ ತಂಪು,
ಜೀವನ ತರಬಹುದೇ ತುಂಬಿದ ಸಂಪು,
ತಾಯಿಕೊಟ್ಟ ಬದುಕೇ ಸದಾಕಂಪು."

""ಅರಿತ ಕರೆ"

"ಅರಿತರಿವ ಮನಸು ನಿಂದು,
ಹರಿತವಿಹ ಮಾತೂ ನಿಂದೇ,
ಬೆರೆವ ಮನಸಿದ್ದರೇನು ಬಂತು,
ಕರೆವ ಮನಸಿಹ ನೀ ಕರೆವೆ ಎಂತು!

ನಿಂತಲ್ಲೆ ನೀರಾಗೆನು ನಾನು,
ಕುಂತಲ್ಲೇ ಕಲ್ಲಾಗೆನು ನಾನು,
ನೀ ಕರೆವ ಕೂಗಿಗೆ ಕರಗುವೆ ನಾ,
ಇನ್ನಾದರೂ ಕರೆವೊಮ್ಮೆ ನನ್ನನು."