''"ಸ್ನೇಹ""
---------
''ಮಾತಿಲ್ಲದ ಮನದೊಳಗೆ
ಮೌನವೆಂಬ ಸ್ನೇಹವಿದೆ
ಮಾತಿನೊಳಗಿನ ಶಬ್ಧದೊಳಗೆ
ಭಾವನೆಯೆಂಬ ಸ್ನೇಹವಿದೆ.
ಸ್ನೇಹವೆಂಬ ಮಧುರಾಮೃತ
ಮನುಜನ ಮನಸಿಗೆ ಮಾತ್ರವೇ!
ಮೂಕ ಮನಸಿನ ಜೀವಜಗತ್ತಿಗೂ
ಸ್ನೇಹದ ಭಾವ ಸೀಮಾತೀತ.
ಬೆರೆಯೋ ಮನಸಿನ ಸ್ನೇಹ
ಬರೆಯೋ ಬರಹದ ಸ್ನೇಹ
ಅರಿಯೋ ಜ್ಞಾನದ ಸ್ನೇಹ
ಉಳಿಸೋ ಸಂಸ್ಕೃತಿಯ ಸ್ನೇಹ
ಬೆಳೆಸೋ ಪ್ರಕೃತಿಯ ಸ್ನೇಹ
ಕಲಿಸೋ ಪ್ರೀತಿಯ ಸ್ನೇಹ
ಕಾದಿರಿಸೋ ಭವಿಷ್ಯದ ಸ್ನೇಹ
ಆದರಿಸೋ ಹೆತ್ತವರ ಸ್ನೇಹ
ಬದಿಗಿರಿಸಿ ಬಿಂಕ ಮೋಹ
ಬೆಳೆಸಿರಿ ಸಂತಸದ ಸ್ನೇಹ
ಜೀವನ ರಸಘಳಿಗೆಯಲಿ
ಹರಿಯುತಿರಲಿ ಹಸಿರಿನ ಸ್ನೇಹ''